જીલ્લા યુવક કોંગ્રેસ કારોબારી મીટિંગ અંગે પ્રેસ વાર્તા

નિરવ જોષી, અમદાવાદ

ગુજરાત પ્રદેશ યુવક કોંગ્રેસની ચુંટણીના પરિણામો આવી ગયા બાદ પ્રદેશ યુવક કોંગ્રેસના નવા માળખામાં વિવિધ પદ પર કાર્યકરો ચુંટાઈ આવ્યા છે.યુવક કોંગ્રેસની ચુંટણીના પરિણામ બાદ ગુજરાત પ્રદેશ યુવક કોંગ્રેસના પ્રમુખ શ્રી વિશ્વનાથસિંહ વાઘેલા તથા ગુજરાત પ્રદેશ યુવક કોંગ્રેસના પ્રભારી શ્રી મહંમદ શાહિદજીની અધ્યક્ષતામાં મધ્ય ગુજરાત ઝોન અને દક્ષિણ ગુજરાત ઝોનના તમામ જીલ્લાની ‘જીલ્લા યુવક કોંગ્રેસ કારોબારી મીટિંગ’ યોજવામાં આવી હતી. જે અંતર્ગત 26 જાન્યુઆરીથી સળંગ 3 ફેબ્રુઆરી સુધી દરરોજ બે – બે જીલ્લાની એમ કુલ 18 જીલ્લાની ‘જીલ્લા યુવક કોંગ્રેસ કારોબારી મીટિંગ’ યોજાઈ ગઈ. મધ્ય ગુજરાત અને દક્ષિણ ગુજરાતના તમામ જિલ્લાઓના પ્રવાસ બાદ દરેક જીલ્લા સ્તરેથી ગુજરાતની જનતા અને ખાસ તો ગુજરાતના યુવાનોને સરકાર દ્વારા થતાં અન્યાયના મુદ્દોઓ સામે આવ્યા છે…

જેના અનુસંધાનમાં આજે પ્રદેશ પ્રમુખ શ્રી વિશ્વનાથસિંહ વાઘેલા અને પ્રદેશ યુવક કોંગ્રેસ પ્રભારી શ્રી મહંમદ શાહિદજીની ઉપસ્થિતિમાં એક પત્રકાર પરિષદનું આયોજન કરવામાં આવ્યું છે.