નિરવ જોષી, અમદાવાદ
આજરોજ યુવા કોંગ્રેસ દ્વારા ગુજરાત યુનિવર્સિટીની ઓફલાઈન પરીક્ષા આયોજન અંગે વિરોધ નોંધાવીને કુલપતિને આવેદન પત્ર આપવામાં આવ્યું હતું. ઉલ્લેખનીય છે કે હમણાં મે મહિના ના અંતે જ કોરોનાની અત્યંત ઘાતક બીજી લહેર શાંત થઈ રહી હોય એવું જણાયું છે. જૂન મહિનામાં હજુ સુધી વિદ્યાર્થી જગત મૂંઝવણમાં છે. આવામાં ગુજરાત યુનિવર્સિટી અંડર ગ્રેજ્યુએટ અને પોસ્ટ ગ્રેજ્યુએટ વિદ્યાર્થીઓ માટે ઓફલાઈન પરીક્ષાઓનો કાર્યક્રમ આયોજિત કર્યો છે જેને ફરીથી યુવા વિદ્યાર્થીઓમાં ચિંતા જન્માવી છે. ખાસ કરીને એનએસયુઆઇ અને યુવા કોંગ્રેસ દ્વારા તેમજ પૂર્વ સેનેટ સભ્ય પાર્થિવ રાજ સિંહ કઠવાડિયા , એન.એસ.યુ.આઇ.ના મહામંત્રી કુણાલભાઇ અને સેનેટ સભ્ય દક્ષ પટેલ વડે આ અંગે કુલપતિશ્રી ને આવેદનપત્ર આપવામાં આવ્યું છે. યુવક કોંગ્રેસે જણાવ્યું છે કે ઓફલાઈન પરીક્ષાઓ અંગે તેમનો સખત વિરોધ છે કારણકે આપણા વિદ્યાર્થીઓ કોરોના થી હજુ મુઝાયેલા છે અને તેઓ કોરોના પ્રૂફ નથી.
