ગોપાષ્ટમી અંગે શ્રીહરિના ભક્તો-શ્રીકૃષ્ણને આ રીતે કરે છે યાદ

લેખક – આલેખન:  રાજેન્દ્ર જોશી

શનિવારે એટલે કે નવ નવેમ્બરે ગોપાષ્ટમી ભવ્ય રીતે ઉજવવામાં આવી!. જાણો એનો ભવ્ય મહિમા!

.*કારતક સુદ આઠમે પ્રથમ વાર ગાયો ચરાવવા જશોદાજીએ પોતાના પુત્રને સુંદર શણગાર સજાવી ગોકર્ણ ધરાવી, શ્રીહસ્તમાં સોરંગી લાકડી અને કામળી આપી, કમરમાં બાંસુરી ખોસી તૈયાર કર્યા છે. કેમ કે આજે કન્હૈયાને પ્રથમ વખત ગાયો ચરાવવા મોકલવાનુ મુહુરત છે જેને મહર્ષિ શાંડિલ્યજીએ કાઢી આપ્યું છે.

*શૃંગાર કરી યશોદાજીએ બલરામજી અને સુદામા સખાને બોલાવી શિખામણ દીધી કે “ જો જો હો…!!! તમે બંને સમજદાર છો…!!! લાલો કન્હૈયો કયાંક વનમાં આડો—અવળો ન થાય…!!! ચંચલr છે તેથી તેની પુરી સંભાળ રાખજો,…!!! ગાયોને કેમ ચરાવાય તે બધું શીખવાડજો…!!! આજે એનો પહેલો દિવસ છે. એને એક ઘડી પણ એકલો મુકશો નહી અને સાથેને સાથે જ રહેજો. સાંજે વેળાસરr ઘર ભેગા થઇ જજો. મોડુ કરશો નહીં”.

.*વનમાં આવતા ગાયો સારૂં ઘાસ જોઇને વીખરાઇ ગઇ. લાલા કન્હૈયાના વેણુનો નાદ સાંભળી ગાયો ઉંચો કાન કરીને પ્રભુ પાસે આવીને ઊભી રહી ગઇ. ગાયો હવે આસપાસમાં ચરતી હતી. આનંદ પ્રમોદ કરતા સાંજ પડવા આવી. ગાયોની પાછળ બંસી બજાવતાંr ઘેર પહોંચ્યા ત્યાં માતાજી આરતીનો થાળ લઇને ઉભા હતા. આરતી ઉતારી લાલાનું મુખ જોયું. પુછવા લાગ્યા “લાલા…!!! વનમાં શ્રમ તો પડયો નથી ને?” ત્યારે એકી સાથે બધા ગ્વાલબાલો બોલવા માંડયા “મૈયા…!!! લાલા ને ગાયો ચરાવતા આવડે છે.” કન્હૈયાએ મીઠી વાણીથી મૈયાને વનની બધી વાત કરી. માતાજી અતિ આંનદમાં આવી લાલાને ગોદમાં લઇ વ્રજ રજ ભરાયેલું શ્રીઅંગ હાથથી સાફ કરવા લાગ્યા!!!

.*આ પ્રકારની પ્રથમ ગોચરણલીલા એટલે આજની ગોપાષ્ટમી.
… રાજેન્દ્ર જોશી