DSC સંસ્થાનો મહિલા સશક્તિકરણ અંગેનો કાર્યક્રમ આયોજિત થયો
નીરવ જોશી , હિંમતનગર (M-7838880134)
આજરોજ હિંમતનગરના વક્તાપુર પાસે આવેલા શ્વેતાંબર દેરાસરના પ્રાંગણમાં આવેલા હોલમાં NGO – ડેવલપમેન્ટ સપોર્ટ સેન્ટરનો એક મહિલા સશક્તિકરણ અંગેનો કાર્યક્રમ સુંદર રીતે આયોજિત કરવામાં આવ્યો હતો. ઉલ્લેખનીય છે કે મહિલાઓના અધિકારો તેમજ તેમને મળનારા અન્ય લાભો અંગે ગામડાના મહિલાઓને ઘણી ઓછી જાણકારી હોય છે….આ અંગે ડેવલપમેન્ટ સપોર્ટ સેન્ટર અને તેના સાબરકાંઠાના લીડર અને 10 જેટલા સ્વયંસેવકોની ટીમે મહિલાઓના માનવ અધિકારો અંગે જાગૃતિ સેમિનારનું આયોજન કર્યું હતું.
જેમાં સરકારના વિવિધ વિભાગો જેવા કે બાળ અને મહિલા કલ્યાણ વિભાગ, સખીવન સ્ટોપ સેન્ટર તેમજ એક કાનૂની સહાયક કરવાવાળી સંસ્થા- CSJ અને સખી મંડળ ને સહાય કરતી સરકારી સંસ્થાના અધિકારીઓ આવીને વિસ્તૃત માર્ગદર્શન પૂરું પાડ્યું હતું. આ કાર્યક્રમમાં હિંમતનગર તાલુકાના આશરે 10 થી 12 ગામડાની મહિલાઓ મોટી સંખ્યામાં હાજર રહી હતી.
ડેવલપમેન્ટ સપોર્ટ સેન્ટરનો(DSC NGO)
આ સંસ્થાનો ઉદ્દેશ્ય ટકાઉ આજીવિકા અને સહભાગી કુદરતી સંસાધન વ્યવસ્થાપનને પ્રોત્સાહન આપવા માટે સંકળાયેલી સંસ્થાઓને જ્ઞાન આધારિત સહાય પૂરી પાડવાનો છે.
ડેવલપમેન્ટ સપોર્ટ સેન્ટર (DSC) એ એક સ્વૈછીક સંસ્થા છે.
