ધ્રોલ માર્કેટિંગ યાર્ડની તમામ 16 બેઠકો પર ભાજપ પ્રેરિત પેનલનો બિનહરીફ વિજય

નીરવ જોશી, ગાંધીનગર (M-7838880134)

*કૃષિમંત્રી રાઘવજીભાઈ પટેલનો અથાગ પુરુષાર્થ તથા ધારાસભ્ય મેઘજીભાઈ ચાવડાની મહેનત રંગ લાવી*

*ધ્રોલ માર્કેટિંગ યાર્ડની તમામ 16 બેઠકો પર ભાજપ પ્રેરિત પેનલનો બિનહરીફ વિજય*

કૃષિમંત્રી રાઘવજીભાઈ પટેલ તથા કાલાવડ ધારાસભ્ય મેઘજીભાઈ ચાવડાના માર્ગદર્શન તથા પરમર્શમાં ધ્રોલ માર્કેટિંગ યાર્ડની ચૂંટણીમાં તમામ 16 બેઠકો પર ભાજપના ઉમેદવારોએ ભવ્ય વિજય મેળવ્યો છે. એ.પી.એમ.સી. ધ્રોલની તમામ 16 બેઠકો પર ભાજપ પ્રેરિત પેનલના ઉમેદવારોએ બિનહરીફ વિજય મેળવી ભવ્ય જીત હાંસલ કરી છે.કૃષિ મંત્રી રાઘવજીભાઈ પટેલ તથા ધારાસભ્ય મેઘજી ચાવડા સહિતના મહાનુભવોએ ઉમેદવારોની જીત બદલ અભિનંદન પાઠવ્યા છે.

કૃષિમંત્રી રાઘવજીભાઈ પટેલે માર્કેટિંગ યાર્ડ ધ્રોલના વિજય થયેલ તમામ પદાધિકારીઓ આગામી સમયમાં ખેડૂતોના ઉત્કર્ષ માટે સતત કામગીરી કરતા રહે તેવી શુભકામનાઓ પાઠવી છે.અને જિલ્લાના ગ્રામ્ય વિસ્તારોને પણ વિકાસના મીઠા ફળ મળે તેમજ શહેરની જેમ ગામડાઓ પણ તમામ સુખ સુવિધાઓથી સભર બને તે પ્રકારે આયોજનો હાથ ધરવા પધાધિકારીઓ પાસે આશાવાદ વ્યક્ત કર્યો છે.સૌ વિજેતા ઉમેદવારો વડાપ્રધાન નરેન્દ્રભાઈ મોદીના ખેડૂતોની આવક બમણી કરવાના સ્વપ્નને પરિપૂર્ણ કરવા સતત ખેડૂત હિતમાં કામગીરી કરતા રહે તેવી મંત્રી રાઘવજીભાઈ પટેલે અભ્યર્થના વ્યક્ત કરી છે.